ஜேம்ஸ் கிளார்க் மக்ஸ்வெல்

ஜேம்ஸ் கிளார்க் மக்ஸ்வெல் (13 ஜூன் 1831 – 5 நவம்பர் 1879) பிறந்த நாள் இன்று.

கணிதவியலாளரும், கோட்பாட்டு இயற்பியலாளரும் ஆவார். இவரது முக்கியமான சாதனை மின்காந்தவியல் கோட்பாடு ஆகும்.

மின்னியல், காந்தவியல் மற்றும் ஒளியியல் சார்ந்த, ஒன்றுக்கொன்று தொடர்பற்ற முன்னைய கவனிப்புக்கள், சோதனைகள், சமன்பாடுகள் போன்றவற்றை இணைத்து மேற்படி கோட்பாட்டை இவர் உருவாக்கினார்.

மக்ஸ்வெல்லின் சமன்பாடுகள் என அழைக்கப்படும் இவரது சமன்பாடுகள், மின்சாரம், காந்தப்புலம், ஒளி அனைத்துமே ஒரே தோற்றப்பாட்டின் வெளிப்பாடுகளே என விளக்கின.

இதனைத் தொடர்ந்து மேற்படி துறைகளின் முன்னைய விதிகள், சமன்பாடுகள் எல்லாமே மக்ஸ்வெல்லின் சமன்பாடுகளின் எளிமையான வடிவங்கள் ஆயின. மின்காந்தவியலில் மக்ஸ்வெல்லின் பணி இயற்பியலில் இரண்டாவது பெரிய ஒன்றிணைப்பு எனப்படுகின்றது. முதலாவது ஒன்றிணைப்பு நியூட்டனால் செய்யப்பட்டது.

கடவுள் என்ற கருத்துக்கு சவக்குழி நோன்டிய கடவுள்துகள்

பிரபஞ்ச ரகசியம் என்று ஒரு சொல் உண்டு. பிரபஞ்சம் எப்படி உருவானது என்பது மிகப்பெரிய ரகசியமாகவே இருந்து வருகிறது. கடவுள் பிரபஞ்சத்தைப் படைத்தார் என்று ஆன்மிகம் சொல்கிறது. ஆனால் விஞ்ஞானம் அதைக் கொஞ்சம் மாற்றிச்சொல்கிறது; அணுக்களால் ஆனது உலகம் என்று.

13750 கோடி ஆண்டுகளுக்கு முன்பு பிக்-பேங்க் எனப்படும் பெரு வெடிப்பின்போது வாயுக்கள் உருவாகி பின்னர் அதில் உள்ள அணுக்கள் ஒன்றிணைந்து பிரபஞ்சமும், அதில் உள்ள மற்ற பொருட்களும் உருவானதாக விஞ்ஞானம் கூறுகிறது.

எலெக்டிரான், புரோட்டான், நியூட்ரான் என்ற 3 உட்பொருட்களின் சேர்க்கைதான் அணு. இந்த அணுக்களின் சேர்க்கைதான் வெவ்வேறு திடப்பொருட்களாக ஆகி உள்ளன. நாம் வாழுகிற பூமி, நம்மைச் சுற்றிலும் இருக்கிற டி.வி, செல்போன், மேசை, நாற்காலி, பேனா, மோட்டார் வாகனங்கள், இப்படி எல்லாமே அணு சேர்க்கையில் உருவானவைதான். இவற்றைப் போலவே எல்லாம் ஒன்றிணைந்த இந்த பிரபஞ்சமும் அடிப்படையில் அணுக்களின் சேர்க்கைதான்.

அணுக்களை சேர்க்கும் ஒட்டுப்பொருள் எது என்ற கேள்விக்கு பதில் தெரியாமல் இருந்தது. அணுக்களை ஒன்றோடு ஒன்று ஒட்டவைக்கும் பொருள் என்ன என்பதை கண்டுபிடித்தால், பிரபஞ்சம் உருவான ரகசியத்தை அறிந்துகொள்ள முடியும் என்பதால், அதை கண்டுபிடிக்க ஆராய்ச்சி மேற்கொள்ளப்பட்டது.

அணுக்களை மிக வேகமாக ஒன்றுடன் ஒன்று மோதவிடுவதன் மூலம் பெரு வெடிப்பின்போது ஏற்பட்ட சூழ்நிலையை உருவாக்கி அதன் மூலம் அணுக்களின் ஒட்டுப்பொருள் என்ன என்பதை கண்டுபிடிக்க முடியும் என்று விஞ்ஞானிகள் முடிவு செய்தனர்.

இதற்காக பிரான்சு-சுவிட்சர்லாந்து நாடுகளுக்கு இடையே 574 அடி ஆழத்தில் 27 கிலோ மீட்டர் நீளம் உள்ள சுரங்கப்பாதை போன்று செர்ன் என்ற பெயரில் (அணு ஆராய்ச்சிக்கான ஐரோப்பிய மையம்) ஒரு ஆராய்ச்சிக்கூடம் அமைத்து, உலக பிரசித்தி பெற்ற விஞ்ஞானிகள் ஒன்றுசேர்ந்து ஆராய்ச்சி நடத்தி வந்தனர்.

இதில் அணுக்களின் ஒட்டுப்பொருள் 12 துகள்களின் சேர்க்கை என தெரியவந்தது. அதில் 11 துகள்கள் கண்டறியப்பட்டன. 12-ஆவது துகள் ஒன்று உண்டு என்று விஞ்ஞானி ஹிக்ஸ், 1964-ஆம் ஆண்டு கண்டுபிடித்தார். அது அவரது பெயரையும் இணைத்து ஹிக்ஸ் பாசன் துகள் என்று அழைக்கப்பட்டு வந்தாலும்,  இந்த ஹிக்ஸ் போசான் அல்லது இகிசு போசானைக் கடவுள் துகள்(God Particle) என்றும் குறிப்பிடுவர், ஆனால் இதைக் கண்டுபிடிக்க அரிதாக இருந்ததால், "கிடைக்கமாட்டேன் இருக்கின்றதே" என்னும் பொருளில் "goddamn particle" என்று நோபல் பரிசாளர் இலியான் இலேடர்மன் (Leon M. Lederman) குறிப்பிட்டதால், அது பதிப்பாளர்களால் சுருக்கம் பெற்று கடவுள் துகள் என்று பிழையான பொருளுடன் வழங்காயிற்று. 

இந்தத் துகளின் பண்புகளை மிகவும் ஒத்த ஓர் அணுத்துகளை, சூலை 4, 2012, பெரிய ஆட்ரான் மோதுவியில் நிகழ்த்திய இரண்டு தனித்தனி செய்நிலை மெய்த்தேர்வில் இருந்து கண்டுபிடித்தனர். "225GeV/c² நிறையுடன் (ஏறத்தாழ 133 நேர்மின்னிகள் நிறை) உள்ள புதிய அணுத்துகள் என்று கண்டுபிடிக்கப்பட்டது.

 கடவுள் துகளுக்கு இசைவான இணை அணுவியல் துகள் (New Subatomic Particle) என ஹாட்ரன் மோதி (Large Hadron Collider - LHC) விஞ்ஞானிகள் அறிவித்துள்ளனர். கடவுள் துகள் உண்மையில் இருக்கிறதா? அப்படியாயின் இதன் நிறை (Mass) என்ன என்தை கண்டுபிடிக்க கடந்த 45 வருடங்களாக ஆராய்ச்சிகள்  மேற்கொள்ளப் பட்டுவந்தன. குறித்த ஆராய்ச்சியின் தொடக்க நிலை முடிவுகளாக இவை கணிக்கபட்டுள்ள போதும், இவை ஆச்சரியந்தருபவையாகவும், உணர்ச்சிகரமானதுமாக இருப்பதாக விஞ்ஞானிகள் கருத்து தெரிவித்துள்ளனர். அடிப்படை அறிவியல் (Fundemental Science) என்பது இந்த உலகத்துக்கு பொதுவானது. அது தனித்து யாரும் உரிமை கோரமுடியாது. அடிப்படை அறிவியல் மற்றும் பயன்பாட்டு அறிவியல் (Appoled Science) இரண்டையும் சமமாகவே உலக மக்கள் கருத வேண்டும். உதாரணத்திற்கு நீங்கள் உண்பவற்றில், ருசியானது எது? என்பது மட்டும் உங்களுக்கு தெரிந்திருந்தால் போதாது. 

நஞ்சானதும் எது என தெரிந்திருக்கவேண்டும். இந்த ஆராய்ச்சிகள் அடிப்படை அறிவியலுக்கும், பயன்பாட்டு அறிவியலுக்கும் இடையிலான ஆழமான முடிச்சுக்களை நோக்கி செல்வதாக குறிப்பிட்டனர். இந்த அணுத்துகள் கண்டுபிடிப்பு, நமது பேரண்டம் தொடங்குவதற்கு முன் எதுவும் இருந்ததில்லை, வெறும் சூனியமாகவே இருந் தது என்ற கருத்தை நிராகரிக்கிறது. கார்ல் மார்க்ஸ் சொன்னதுபோல், எங்கும் எப்போதும் பொருள் என்பது இருந்து வந்திருக்கிறது. பொருள் என்பதற்கு ஆதி - அந்தம் இல்லை என்பதை மெய்ப்பிக்கிறது.இந்தக் கண்டுபிடிப்பால் பேரண்டம் உரு வாவதற்கு முன் கருமைப்பொருள் இருந்தது - கருமைப்பொருள், ஒளிப்பொருள் என இருந் தது என்ற கருத்து வலுப்படக்கூடும். இத னால், மக்கள் வாழ்வுக்கு என்ன பயன் என்ற கேள்வி எழுவது இயல்பு. 

 பேரண்டத்தையும், உலகத்தையும், வாழ்க் கையையும் அறிவியல் பூர்வமாக புரிந்து கொள் வதற்கு இதுவும் உதவும்.இந்த ஆராய்ச்சிக்காகவே உருவாக்கப் பட்ட சோதனைக் கருவிகளும், காந்தப் புலன் கருவிகளும் எதிர் காலத்தில் மருத்துவ சோத னைகளுக்கு மிகவும் பயன்படும். பொருளின் “திரட்சி” சுருக்கப்பட்டு, செயல் திறன் அதிக ரிக்கப்படும். அதனால் என்ன பயன்? எடுத் துக்காட்டாக இன்று ஒரு ஜெட் விமானம் 200 டன் எடையில் தயாரிக்க முடிகிறது. இந்த கண்டுபிடிப்பின் கோட்பாடுகளை பயன் படுத்துவதன் மூலம், அதே விமானத்தை 20 டன் எடையில் தயாரிக்க முடியும்! இதனால், எரிபொருள் செலவு மிகப்பெருமளவுக்கு சேமிக்கப்படும்.வேறு கோள்களுக்கு விண்வெளிக் கப்பல் களை அனுப்புவது என்பது இன்று ஒரு கண் டத்திலிருந்து இன்னொரு கண்டத்திற்கு விமானத்தில் செல்வதுபோல் எளிதாகிவிடும் என்று வல்லுநர்கள் தெரிவிக்கிறார்கள்.

பொருள் முதல்வாத சிந்தனைகளை உரத்து உரைக்கும் இந்த அணுத்துகள் ஆராய்ச்சி யில் ஈடுபட்ட ஆய்வாளர்கள் அனைவருக்கும் பாராட்டுகள். கடவுள் என்ற கருத்துக்கு சவக்குழி நோன்டிய கடவுள்துகள் எப்படியோ கடவுள் என்ற கருத்துக்கு மரண அடிவிழுந்து அதன் மூலம் மனிதர்கள் தங்களின் தவறுகளையும் எதிர்காலத்தை பாதுகாத்துக்கொள்ள அறிவியலின் துணையை முழுமையாக நம்புமும்  காலம் நெருங்குவது மகிழ்ச்சி அளிக்கிறது

அறிவியல் வானில் பெண் நட்சத்திரங்கள்

 பெண் என்பவர் ஒரு தாய், ஒரு மகள், ஒரு சகோதரி, ஒரு மனைவி. குடும்பம் என்ற அமைப்பின் ஆணிவேராக இருப்பதும் பெண்தான். அதே சமயம், பொது வாழ்க்கையில் ஆண்களோடு இணைந்து பொறியியல், மருத்துவம், கல்வி, அரசியல் போன்ற பல்வேறு துறைகளில் அவர்கள் தங்கள் முத்திரையை அழுத்தமாகப் பதித்தும் வருகின்றனர். தாங்கும் சக்தி அதிகம் தேவைப்படும் மிகக் கடினமான பயிற்சிகள் கொண்ட விண்வெளிப் பயணங்களிலும் கூட அவர்கள் சிறந்த சாதனைகளைச் செய்து வருகின்றனர். 1950-களில் அன்றைய சோவியத் யூனியன் விண் வெளியில் ஸ்புட்னிக் என்ற செயற்கைக் கோளைச் செலுத்திய பிறகு விண்வெளி ஆராய்ச்சியில் ஒரு புது யுகம் பிறந்தது.

 யூரி ககாரின் விண் வெளியில் முதன்முதலாகக் காலடி எடுத்து வைத்து சிறிது காலம் ஆனவுடனேயே வாலெண்டினா டெரஸ் கோவா அந்த சாதனையைத் தொடர்ந்த முதல் பெண் என்ற பெருமையைப் பெற்றார். அதற்குப் பிறகு மேலும் பல பெண்கள் விண் வெளியில் பயணிக்க அது ஒரு தொடக்கமாக அமைந்தது. 

 

2011 ஜனவரி நிலவரப்படி 282 விண் வெளிப் பயணங்கள் மூலமாக 520 பேர் விண்வெளிக்குச் சென்று திரும்பி வந்தவர்கள். அதில் ரஷ்யா, அமெரிக்கா, கனடா, பிரான்ஸ், ஜப் பான், கொரியா, பிரிட்டன் போன்ற நாடுகளிலிருந்து சென்ற 56 பேர் பெண்கள். 

இந்தியாவிலும் முன்னாள் குடியரசுத் தலைவர் அப்துல் கலாமிற்குப் பிறகு ஏவுகணைத் திட்டத்தின் இயக்குநராக பொறுப்பேற்றிருப்பது 48 வயதான டெஸ்ஸி தாமஸ் என்ற பெண்தான். சென்ற ஆண்டு நவம் பர் 15 அன்று ஒரிஸா கடற்கரையின் பாலசோர் சோதனைத்தளத்திலிருந்து அக்னி - ஐஏ ஏவுகணையை விண்ணில் செலுத்தி அவரும் அவரது குழுவினரும் சாதனை படைத்தனர்.

 3000 கிலோ மீட்டர் தூரத்தில் உள்ள இலக்கைத் தாக்கி அந்த ஏவுகணை பழைய சாதனை களை முறியடித்தது. இந்தியாவின் பிரபலமான பெண் விஞ்ஞானியாக டெஸ்ஸி தாமஸ் கருதப்படுகிறார். ஆனால் அதை வைத்து அறிவியல் துறையில் பெண்களுக்குரிய அங்கீ காரம் கிடைத்துவிட்டதாக நாம் மகிழ்ச்சியடைந்துவிட முடியாது. எப்படி ஒரு பிரதிபா பாட்டீலையோ ஒரு மீரா குமாரையோ வைத்து அர சியலில் பெண்களுக்குரிய இடம் கிடைத்து விட்டதாகக் கருதமுடிய தோ அது போன்றதுதான் இது.

பெண் விஞ்ஞானிகளில் மேரி கியூரியைப் பற்றி பலருக்கும் தெரியும். அவர்களுக்குக் கூட அவர் இரண்டு முறை நோபல் பரிசு பெற்ற வர் என்ற தகவல் தெரியுமாவெனத் தெரியவில்லை. 1963-ல் இயற்பிய லுக்காக நோபல் பரிசு பெற்ற மரியா கோப்பெர்ட்-மேயர், 1964-ல் வேதியியலுக்காக நோபல் பரிசு பெற்ற டோரோதி ஹாட்கின்,1986-ல் மருத்துவத்திற்காக நோபல் பரிசு பெற்ற ரிட்டா லெவி-மாண்டேசினி போன்ற பெண் விஞ்ஞானிகளையோ, பெண் என்ற காரணத்தினா லேயே நோபல் பரிசு பெற வாய்ப் பில்லாமல் போய்விட்ட ரோசலிண்ட் ஃப்ராங்க்ளின் (1920-1958), லைஸே மேட்னர் (1878-1968), சியன்-ஷியுங் வு (1912- 1997), ஜோசலின் பெல் பர்னெல் (1943- ) போன்ற பெண் விஞ்ஞானிகளையோ எத்தனை பேருக்குத் தெரியும்?

பல கலாச்சார, சமூகத் தடைகளின் காரணமாக நாட்டில் பெண் விஞ்ஞானிகளின் எண்ணிக்கை மிகக் குறைவாகவே உள்ளது. கலை, சமூக விஞ்ஞானம் போன்ற மென்மையான துறைகளுக்குத்தான் பெண்கள் ஏற்றவர்கள் என்ற கருத்து இன்னமும் பரவலாக இருக் கிறது. அடிப்படையில் பெண்கள் வீட்டுப் பராமரிப்பில் கவனம் செலுத்த வேண்டும் என்றே பலரும் எதிர்பார்க்கின்றனர். இது ஆண்களின் எதிர்பார்ப்பு மட்டுமல்ல, பல பெண்கள் தங்களுக்காக வகுத்துக் கொண்டுள்ள எல்லையும் அதுதான்.

பெண் விஞ்ஞானிகளின் எண்ணிக்கை குறைவாக இருப்பது பற்றி சமூகவியலாளர்கள் பல ஆண்டுகளாகவே கவலை தெரிவித்து வருகின்றனர். மற்ற எல்லாத் துறைகளையும் போலவே அறிவியல் துறையிலும் சமூகத்தின் பார்வைகள், சமூக நிர்ப்பந்தங்கள், பாலினப் பாகுபாடுகள் போன்ற காரணங்களால் பெண்கள் பிரச்சனை களைச் சந்திக்கின்றனர். மனித வளத்தின் கணிசமான பகுதி சரியான முறையில் பயன்படாமலே வீணாவதை நாம் உணர வேண்டும். சமூகம் பெண்களைப் பார்க்கும் பார்வைகளில் அடிப்படையான மாற்றங்கள் வரவேண்டும். பெண்கள் அறிவியல் துறையில் நியமனம் பெறவும் சாதனைகள் படைக்கவும் உள்ள தடைகளை அகற்ற வேண்டியது மிகமிக அவசியம் என்பதில் சந்தேகம் இல்லை.

தென்னிந்திய அளவிலான அறிவியல் செய்முறை பணியரங்கு

புதுவை அறிவியல் இயக்கம் மற்றும் புதுதில்லி விஞ்ஞான் பிரச்சார் சார்பில் புதுச்சேரி வெற்றி வெங்கடேஷ்வரா ஆசிரியர் பயிற்சி மையத்தில் நடைபெற்ற இப் பணியரங்கை, விஞ்ஞான் பிரச்சார் அமைப்பின் நிர்வாகி டி.வி.வெங்கடேஷ்வரன் தொடங்கி வைத்தார். புதுவை அறிவியல் இயக்கத் தலைவர் எஸ்.சீனிவாசன் தலைமை வகித்தார். செயலர் எஸ்.சேகர், துணைத் தலைவர்கள் ஏ.ஹேமாவதி, ஆர்.தட்சிணாமூர்த்தி, த.பரசுராமன் உள்ளிட்டோர் பங்கேற்றனர். ஒடிஷா பாரீஸ் செüத்-11 பல்கலைக்கழக பேராசிரியர் பியர் பான்த்ஸ் பயிற்சி அளித்தார்.

இதில், புதுச்சேரி, தமிழகம், கர்நாடகம், கேரளம், ஆந்திரம் ஆகிய மாநிலங்களைச் சேர்ந்த 30 அறிவியல் ஆசிரியர்கள் பங்கேற்றனர். இப் பணியரங்கு 19-ம் தேதி வரை நடைபெறுகிறது.

A series of Innovative Science Experiments Workshops with Prof. Pierre Fontes from France started yesterday at Pondicherry (17-19 Jan) followed by one in Bhopal (21-23 Jan) and then in Mandi (3-6 February) in collaboration with Vigyan Prasar, Department of Science & Technology, Govt. of India.

 

The Pondicherry workshop is being attended by about 25 participants from Andhrapradesh, Karnataka, Tamilnadu, Kerala and Pondicherry.  Prof.Pierre Fontes is a distinguished Nuclear Physicist and Science Communicator from the University of Paris, South 11, Orsay, France (retired) and is currently in India to conduct three workshops to train science teachers and activists on innovative, low cost experiments in science to make science teaching interesting and fun.

 

The programme was inaugurated yesterday at the Vettri Venkateswara Institute (Behind Hotel Mass) with Dr.T.Parasuraman, Vice President of PSF presiding over the function, Mr.T.P.Raghunath, Programme Coordinator welcoming the participants and explaining the background of the programme. The Inaugural talk was delivered by Dr.T.V.Venkateswaran of Vigyan Prasar, New Delhi. This was followed by an introductory speach by Dr.Fontes who started his experiments session with the participants.

 

The programme will continue for two more days. This is being followed by a Workshop at Bhopal Science Centre, Bhopal on 21 to 23 January 2012 and another one at Mandi (Himachal Pradesh). In total about 80 to 100 teachers will be trained on these experiments which require very low cost, kitchen ware materials only but with wonderful results and no less interesting than a fully equipped science lab. And thus, with schools which does not a full fledged science lab can adopt these experiments into their curriculum easily and children too can try it out at their homes.

 

Pondicherry Science Forum in collaboration with the Vigyan Prasar is also planning to bring out a manual for science experiments with which the contents of the training can be disseminated to all the schools in the country as well.

மௌன வசந்தம்

“உ லகில் தேனீக்கள் மறைந்து விட்டால், மனித குலத்தின் ஆயுட் காலம் வெறும் நான்கு ஆண்டு கள் மட்டுமே இருக்கும். தேனீக்கள் மறைந்தால், மகரந்த சேர்க்கை மறையும், செடிகொடிகள் மறை யும். மனிதனும் மறைந்து விடு வான்” ஆல்பர்ட் ஐன்ஸ்டீன்.

மனிதர்களின் வாழ்க்கை இயற் கையுடன் பின்னிப்பிணைந்து, செடி, கொடிகள், புழு, பூச்சிகள், மிரு கங்கள், மனிதர்கள் என அனைத்து உயிரினங்களின் வாழ்க்கையும் சங்கிலித் தொடராக ஒன்றோ டொன்று இணைக்கப்பட்டுள்ளது. மனிதன் விவசாயத்தைக் கண்டு பிடித்ததும், பயிர்களை அழிக்கும் பூச்சிகளைக் கொல்லக் கூடிய பூச்சிக்கொல்லிகளை கண்டு பிடித்தான். 4500 ஆண்டுகளுக்கு முன்னால், மெசபடோமியாவில், சுமேரியர்கள் ‘சல்ஃபரை’ பூச்சிக் கொல்லியாக பயன்படுத்தினார் கள் என்பதுதான் ‘முதல் பூச்சிக் கொல்லி’ என வரலாற்றில் பதி வாகியுள்ளது.

15ம் நூற்றாண்டில் ‘பாதரசம்’ (மெர்க்குரி) மனிதனுக்கு தொல்லை கொடுத்த பேன்களை ஒழிக்க பயன்படுத்தப்பட்டது. 17ம் நூற் றாண்டில், புகையிலையிலிருந்து எடுக்கப்பட்ட ‘நிக்கோட்டின் சல் பேட்’ பூச்சிக் கொல்லியாக பயன் படுத்தப்பட்டுள்ளது. (ஏன் புகை பிடிக்கக் கூடாதென்று தெரிகி றதா). 19ம் நூற்றாண்டில், சூரி யகாந்தி பூவிலிருந்தும், சில செடி களின் வேர்களிலிருந்தும் பூச்சிக் கொல்லிகள் தயாரிக்கப்பட்ட தற்கு சான்றுகள் உள்ளன. இந் தியா போன்ற உஷ்ண பிரதே சங்களில் ‘வேம்பு’ (இலை,காய், எண்ணெய்) பூச்சிக்கொல்லியாக பயன்படுத்தப்பட்டதும் பதிவாகி யுள்ளது. இவற்றைத் தவிர, வேறு சில தாவரங்கள், பூச்சிக்கொல்லி களாக பயன்படுத்தப்பட்டுள்ளன.

இருபதாம் நூற்றாண்டின் துவக்கத்திலிருந்தே ரசாயன பூச் சிக் கொல்லிகள் பயன்பாடு கூடி விட்டது. பால்முல்லர் கண்டுபி டித்த டி.டி.டி. (னுனுகூ டைக்ளோரா டைபினாயில்-ட்ரைக்ளோரா எத்தன்) பரவலாக பயன்படுத்தப் பட்டது. இரண்டாம் உலகப் போரின் போது, பி.ஹெச்.சி (க்ஷழஊ) அல்டு ரின், டயல்டுரீன் என்ட் ரீன் ஆகிய பூச்சிக் கொல்லிகள் பயன்படுத்தப் பட்டன என்பது ஆய்வு கட்டுரைகள் மூலம் தெரிய வருகிறது.

ரேச்சல் கார்சன் (1907-1964).

உணவு சங்கிலியில் டிடிடி பூச் சிக் கொல்லி ஏற்படுத்திய பிரச்ச னைகளின் விளைவாக, ரேச்சல் கார்சன் 1962ம் ஆண்டு “மௌன வசந்தம்” என்ற நூலை எழுதி னார். இந்த நூல் டிடிடியின் மோச மான விளைவுகளை அம்பலப் படுத்தியது. ரேச்சல் கார்சன் 27, மே, 1907ல் அமெரிக்காவின் பென் சில்வேனியாவிலுள்ள இயற்கை அழகு மிகுந்த ஸ்ப்ரிங்டேலில் பிறந்தார். ஜான் ஹாப்கின்ஸ் பல் கலைக் கழகத்தில் 1932ல் விலங்கி யலில் முதுகலை பட்டம் பெற்றார். 1936 முதல் 15 ஆண்டுகள் பெட ரல் பீரோவின் எடிட்டராக பணி யாற்றினார். மிகச்சிறந்த அறிவிய லாளரான ரேச்சல், மீன்கள், வன விலங்குகள், கடல்சார் உயிரி னங்கள் பற்றி நிறைய ஆய்வு செய் துள்ளார். இவர் எழுதிய “மௌன வசந்தம்” (ளுடைநவே ளுயீசiபே), ‘அண் டர் த சீவிண்ட்’, ‘எட்ஜ் ஆஃப் தசீ’, ‘த சீ அரௌண்டு அஸ்’, ‘சென்ஸ் ஆஃப் வொண்டர்’ ஆகிய நூல்கள் மிக வும் பிரபலமானவை. எனினும் ‘மௌன வசந்தம்’ என்று 1962ல் அவர் எழுதிய நூல்தான் உலகம் முழுவதும் சுற்றுச் சூழல் இயக்கம் துவங்க காரணமாக அமைந்தது.

இயற்கையின் வரலாற்றைப் பற்றி எழுதிவந்த ரேச்சல் கார்சன், 1958ல், தனது சிநேகிதி ‘பாஸ்டீன் ஹெரால்டு’ என்ற பத்திரிகைக்கு எழுதிய கடிதத்தின் நகல் கிடைக் கப்பெற்றார். ஓலகா ஓவன்ஸ் ஹக்கின்ஸ் என்ற ரேச்சலின் சிநேகிதி, தான் வசிக்குமிடத்தில் டிடிடி பூச்சிக்கொல்லி தெளிக்கப் படுவதால், ஏராளமான பறவை கள் இறந்து போவதை எழுதி இருந்தார். கொசுக்களை கொல்ல தெளிக்கப்பட்ட டிடிடி பறவைகளை கொன்று குவித்தது. விளைவு? ரேச் சல் கார்சன் ரசாயன பூச்சிக் கொல் லிகள், குறிப்பாக டிடிடி பற்றி ஆய்வு செய்தார்.

1957ல், லாங் ஐலாண்ட் என்ற இடத்தில் டிடிடியை ஹெலிகாப்டர் மூலம் தெளித்ததன் விளைவுகள் மோசமாக இருந்ததையடுத்து அமெரிக்க வேளாண் துறை மீது வழக்கு தொடரப்பட்டிருந்தது. அது வும் ரேச்சலின் கவனத்தை ஈர்த் தது அவர் ‘நியூயார்க்கர்’ பத்திரி கையில் டிடிடி பற்றி தொடர் கட்டு ரைகள் எழுதினார். அவற்றை தொகுத்து, 27 செப்டம்பர் 1962ல், ஹ்யூட்டன் மிஃபினன் என்ற அச்சகம் ‘மௌன வசந்தம்’ என்ற நூலை வெளியிட்டது.

‘மௌன வசந்தம்’ நூலில் ரேச்சல் கார்சன் ரசாயன தொழிற் சாலைகள் தவறான தகவல்களை வெளியிடுவதையும், விமர்சனம் ஏதுமின்றி, அவற்றை அரசு அதி காரிகள் ஏற்றுக் கொள்வதையும் சாடி இருந்தார். டிடிடி சுற்றுச்சூ ழலை, குறிப்பாக, பறவைகளை கொல்வதை ஆதாரத்துடன் அவர் விளக்கியுள்ளார். “மௌன வசந் தத்திற்கு அப்பால்” என்ற நூலை ஈ.எச்.வான் எம்டனும், டேவிட் பீக் கால் என்பவரும் இணைந்து எழு தினர். அந்த நூல், 1996ல் வெளி யிடப்பட்டது.

‘மௌன வசந்தம்’ என ஏன் பெயரிட்டார்?

வசந்த காலம் என்றாலே பற வைகள் ஆனந்தமாக கூவும். செடிகளில் பூக்கள் பூத்துக் குலுங் கும். பிரபல ஆங்கில கவிஞர் ‘கீட்ஸ்’ எழுதிய “எந்த பறவையும் பாடவில்லை” (டுய க்ஷநடடந னுயஅந ளுயளே ஆநசஉi) என்ற கவிதைதான் இந்த தலைப்பை வைக்க தூண்டுகோ லாக அமைந்தது. பூச்சிக் கொல் லிகளால் பறவைகள், மிருகங் கள், மனிதர்கள் மறையும்போது வசந் தம் எப்படி வரும், பறவைகள் பாடாத வசந்தம் மௌன வசந்தம் தானே? என்று வினா எழுப்பி, தனது நூலுக்கான தலைப்பை நியாயப் படுத்தியுள்ளார்.

எதிரிகள் அதிகரித்தனர்

மௌன வசந்தம் நூல் வெளி யானதும் ரசாயனத் தொழிற்சாலை கள் ஒன்றிணைந்து ரேச்சலைப் பற்றி அசிங்கமான பிரச்சாரத்தில் இறங்கின. “பைத்தியம் பிடித்த பெண்” “இப்படிப்பட்ட நூலை எழுத என்ன அருகதை இருக்கிறது?” “அவர் விஞ்ஞானியே இல்லை” என்று எதிரிகள் தாக்குதலில் இறங் கினர். மான்சான்டோ, வெல்சி கோல், அமெரிக்கன் சைனா மிட் .... என்று அமெரிக்க ரசாயன உர பூச்சிக்கொல்லி தயாரிக்கும் ராட் சத நிறுவனங்கள் எதிர்தாக்குத லில் இறங்கின. அதற்கு அமெ ரிக்க அரசின் வேளாண்துறையின் ஆதரவும் இருந்தது. ஊடகங் களும் கார்ப்பரேட் நிறுவனங்க ளுக்கு ஆதரவாக, ஆனால் சற்று கவனத்துடன் செயல்பட்டன. கார்ப் பரேட் நிறுவனங்கள் சார்பில், ராபர்ட் வொயிட் ஸ்டீவன் என்ப வர், கார்சன் சொல்வதைக் கேட் டால், “நாம் இருண்ட காலத்திற்கு செல்ல வேண்டியதுதான். பூச்சிக ளும் புழுக்களும் நோய்களும் தாக்கி, இந்த பூமி புழு, பூச்சிக ளின் இருப்பிடமாக மாறிவிடும்” என்று எச்சரித்தார்.

பிரிட்டிஷ் நாட்டின் அரசியல் வாதி, டிக்டெவர்ன் “கார்சன் தனது நூலில், டிடிடி கொசுக்களை அழித்து, மலேரியா நோயை ஒழிக்க உதவியுள்ளது பற்றி எது வும் கூறவில்லை. 20ம் நூற்றாண் டில் ஏற்பட்டுள்ள ஆயிரக்கணக் கான சாவுகளுக்கு கார்சன்தான் பொறுப்பேற்க வேண்டும் “(2005ல் எழுதியது).

“மனித நிகழ்வுகள்” என்ற பத் திரிகை 19 மற்றும் 20ம் நூற்றாண் டில் வெளியிடப்பட்ட 10 மிக மோச மான நூல்களில் மௌன வசந்தம் ஒன்று என பட்டியலிட்டுள்ளது. கார்ப்பரேட் நிறுவனங்களிடமிருந் தும், பெரு முதலாளிகளிடமிருந் தும் வேறு எதை எதிர்பார்ப்பது?

அமெரிக்காவில் 1962ல் இந்த நூல் சர்ச்சையை ஏற்படுத்திய தைத் தொடர்ந்து, அன்றைய அதி பர் ஜான்.எப். கென்னடி, இதுதொ டர்பான ஆய்வுக்கு உத்தரவிட் டார். நீண்ட ஆய்வுக்குப்பின், நூலில் குறிப்பிட்டுள்ள அனைத்தும் உண்மை எனத் தெரிய வந்தது. அதன் பின்னர் ரசாயன பூச்சிக்கொல்லி/உரம் ஆகியவற்றின் பயன்பாடு பற் றிய ஒழுங்குபடுத்தும் விதிமுறை கள் உருவாக்கப்பட்டன. இது இந் நூலுக்கு கிடைத்த வெற்றியாகும்.

கொலராடோ சட்ட பல்கலைக் கழக பேராசிரியர் டேவிட் கெட் ஜஸ் “இருபதாம் நூற்றாண்டில் மிகப்பெரிய தாக்கத்தை ஏற்படுத் திய நூல் மௌன வசந்தம்” என்று குறிப்பிட்டுள்ளார். பருவநிலை மாற் றம் தொடர்பான கமிட்டியின் தலை வர் அல்கோரே, “சுற்றுச்சூழல் தொடர்பான பிரச்சனைகளை பொது விவாதத்திற்கு கொண்டு வருவதற்கும், பூவுலகை பாதுகாக் கும் நடவடிக்கைகளை உருவாக்கு வதற்கும் மௌன வசந்தம் உதவியுள் ளது. 20ம் நூற்றாண்டில் தடம் பதித்த நூல் மௌன வசந்தம்” என பாராட்டியுள்ளார்.

பல்வேறு அறிவியல் நூல் களை படைத்த, இயற்கையை நேசித்த ரேச்சல் கார்சன் 4.4. 1964ல் புற்று நோய் தாக்கி மரண மடைந்தார். அமெரிக்காவில், செல் வாக்கு மிகுந்த ரசாயன உற்பத் தியாளர்களின் கூட்டமைப்பை தீரத்துடன் எதிர்கொண்டு, மனி தன் இயற்கையுடன் இணைந்து வாழ்ந்து, பூவுலகை காப்பாற்ற வேண்டும் என்ற நோக்கத்துடன் செயல்படுகின்ற உலக சுற்றுச் சூழல் பாதுகாப்பு இயக்கத்திற்கு விதை ஊன்றிய ரேச்சல் கார்சன் இயற்கையை நேசிக்க கற்றுக் கொடுத்துள்ளார்.

கணக்குப் பிசாசுகள் (அறிஞர்கள்)

துயில், தூக்கம், உறக்கம், நித்திரை, உண்டமயக்கம் போன்றவைக்கும் கணக்கிற்கும் சம்பந்தமில்லை என்று சாக்ரடீஸ் பார்டி எழுதுகிறார்.

ஜேசன்சாக்ரடீஸ் பார்டி (கார்குலஸ் வார்ஸ்), பால் ஹாஃப்மன் (தி மேன் ஹூ லவ்டு ஒன்லி நம்பர்ஸ்,) ராபர்ட் கானிகல் (தி மேன் ஹூ நியூ இன்பினிட்டி) ஆகியவர்கள் கணிதப்பித்தர்களின் வாழ்விற்குள் துழாவி பல அடிப்படை உண்மைகளை வெளியே கொணர்ந்து மிகவும் சுவைபட எழுதிச் செல்வதை வாசித்தபோது உலகில் பிசாசு என்று ஒன்று இருக்குமேயானால் அது கணக்குப் பிசாசாக மட்டுமே இருக்க முடியும் என்றே எழுதத்தோன்றுகிறது. முதலில் கால்குலஸ் வார்ஸ் புத்தகம். நுண்கணிதம் என அழைக்கப்படும் கால் குலஸ் கணித முறை ஐசக் நியூட்டனாலும், ஜெர்மானிய கணிதவியலாளர் லீப்னிஸாலும் (Leilniz) ஒரே சமயத்தில் தனித்தனியே கண்டுபிடிக்கப்பட்டது. ஆனால் 1690களில் தொடங்கி 1700களின் முற்பகுதியில் லீப்னிஸ் இறந்துபோகும் 1716 வரை நியூட்டனும், லீப்னிசும் இருவரில் நுண்கணிதத்தை முதலில் அடைந்தது யார் என்பது குறித்து ஒருவித கடும் யுத்தத்தில் உக்கிரமாக ஈடுபட்டதை உலகே கண்டு அது குறித்துவிவாதித்து அதிர்ச்சியில் ஆழ்ந்தது.

1665-66ல் நியூட்டன் நுண்கணிதத்தை தனது வானியல் கணக்கீடுகளுக்காக கண்டடைந்து அதற்கு பிளக்ஸியான்ஸ் அண்ட் ஃபுளூயண்ட்ஸ் என்று பெயர் வைத்தார். தனக்கே உரிய பாணியில் நியூட்டன் வாழ்நாளின் பெரும்பகுதி வரை அதைக் குறித்து வெளியிடாமல் ரகசியமாக நிறுத்தியே வைத்திருந்தார். ஒரு சில நட்பு வட்டத்திற்கு மட்டுமே அந்த புதிய கணித முறையை அறிமுகம் செய்தார். லீப்னிஸ் சற்றேறக்குறைய அதே ஆண்டுகளில் நுண்கணிதத்தை அடைந்து அதனை குறியீடுகளுடன் விரிவாக வெளியிடவும் செய்தார். லீப்னிஸ் வெளியிட்டது ஜெர்மனிமொழியில் நியூட்டன் இயங்கியது லத்தீன்மொழியில். ஆனால் நியூட்டன் மீது லீப்னிஸ் அலாதிமரியாதை வைத்திருந்ததையும் ஒரு சக கணித வியலாளராக அவரை மதித்து எப்போதுமே லீப்னிஸ் போற்றியதையும் பார்டி பதிவு செய்யத் தவறவில்லை. இருவருமாகப் பல விதமான கணித (நெருக்கடியான) சவால்களை ஒருவர் மீது ஒருவர் வீசி அவற்றிற்கு தீர்வுகளைக்காண பல இரவுகளை கழித்ததை வாசிக்கும்போது கணித உலகம் எவ்வளவு வினோதமானதென உணர முடிகிறது. 1717ல் நியூட்டன் தொடர்ந்து ஒன்பது நாட்கள் ஒரு நிமிடம் கூட உறங்காமல் இருந்துவிட்டதை தனது நண்பர் பாஷியோவுக்கு கடிதமாக எழுதுகிறார். இந்த புத்தகத்தின் தனிச்சிறப்பு இது கணிதம் மட்டுமே பேசாது அன்றைய காலகட்டத்தின் உலக அரசியல் களத்தையே நம் முன்வைப்பதுதான். நியூட்டனுக்கு நெருக்கமானவராக அறியப்படும் பாஷியோ லீப்னிசுக்கும் நண்பராகி இருவரிடம் ஒரு சராசரி சினிமா, (சீரியல்?) வில்லனாக சிண்டு முடிந்து கால்குலஸ் யுத்தத்தை தனது சொந்த நலனுக்காக நடத்தி இருமேதைகளையும் இளைத்து நூலாகிநொடித்துப் போக வைத்த கதை மிகவும் சுவாரசியமானது.

அடுத்து ‘திமேன் ஹ லவுடு ஒன்லி நம்பர்ஸ்’ பால் ஏர்டிஷ் (Panl Erdo”s) எனும் கணித வியலாளர் குறித்த வாழ்க்கை புத்தகம். பிரித்தானிக்காக என்சைக்ளோ பிடியாவை தொகுத்தவர்களில் இளையவரான பால் ஹாப்ஃமன் எழுதியுள்ள கணக்கு வாழ்க்கை. பால்எர்டிஷ் மிகப் பிரபலமான கணிதவியலாளர். ஹங்கேரிக்காரர். உலகிலேயே அதிகமான கணித ஆய்வுக் கட்டுரைகள் எழுதியவர். வாரத்திற்கு ஒரு முறை அபூர்வமாகத் தூங்குவார்.

பொதுவாகவே கணிதமேதைகள் ராக்கோழிகளாக ஏன் இருக்கிறார்கள் என்பதை யாராவது புள்ளி விவரத்துடன் ஆராய்ச்சி செய்தால் பரவாயில்லை. டாக்டர் யூலர் பற்றி பால்நாகின் எழுதிய புத்தகத்தில் கூட (Dr. Eulers Falbulous formula: cures many matha matical jlls) யூலர் ஒரு கணித சவாலை எடுத்து வேலை செய்ய ஆரம்பித்தால் பல நாட்கள் எந்த ஓய்வு ஒழிச்சலும் இன்றி ஒரு தொடர் வேலையாக செய்து முடித்துவிடுவார் என்று குறிப்பிடுவதைப் பார்க்கிறோம்.

தேற்றங்களைவிட கணித சவால்களாக, பெரிய கணக்குகளை உருவாக்கி அதற்கு தீர்வுகளைக் கொண்டு வருவதையே பால்எர்டிஷ் முன் வைத்து வாழ்கிறார். உலகம் முழுவதும் கணிதவியலாளர் மாநாடுகளில் பங்கேற்பது கணித தீர்வுகளை வழங்குபவர்களுக்கு தனது வருமானத்தை மொத்தமாகப் பகிர்ந்து வழங்கிவிடுவது. ஒரே சமயத்தில் மூன்று பல்கலைக் கழங்களில் பேராசியர் வேலை பதினேழுமொழி பேசி எழுதி சரளமாக வாசிப்பது நான்குபேப்பரில் வரிக்குவரி வளர்க்கப்படும் கணக்கை அடுத்த வரியில் மனதுக்குள் போட்டு தாவுவது என எர்டிஷ் உலகை எப்போதும் அதிர்ச்சிவைத்தியத்தி லேயே வைத்திருந்தார். தனது நாசா மற்றும் அணுகுண்டு, ராக்கெட் சோதனை எதற்குமே பயன்படமாட்டார் என்று தெரிந்தபின் அமெரிக்கா, பால் எர்டிஷ் தனது நாட்டிற்குள் நுழைய தடைவிதித்தது. காரணம்? அவர் சிவந்தசீனத்தை ஆதரித்தார். சோவியத் கணித மேதை சோபியா கொவெல்வ் ஸ்காயாவைப் பாராட்டி ஒரு சிறப்பு கணிதப்பேருரை ஆற்றினார். இறுதி வரை தனது கணித கோட்பாடுகளுக்காக எர்டிஷ்க்கு எந்த அங்கீகாரமும் வராது அமெரிக்க அரசு எவ்வளவோ முயன்றும் ஹாலந்தும், சுவீடனும் ஏன் ஜெர்மனியும் அவரைப் போற்றிப் பாதுகாத்து மகுடம் சூட்டின. எண்கோட்பாட்டியலின் சக்கரவர்த்தி பால்ஏர்டிஷ். தூயகணிதத்தின் கடைசி செல்லக் குழந்தை.

மூன்றாவது புத்தகம் டாக்டர் ராமானுஜனைப் பற்றியது. சீனிவாச ராமானுஜம் பற்றி ஒரு சராசரி இந்தியனுக்கு அவர் ஒரு கணிதமேதை என்பது மட்டும் தெரியும். ராபர்ட் கானிகல் செய்திருக்கும் அந்த மாமனிதனைப் பற்றிய தேடல் பாராட்டுக்குரிய ஒன்று. சென்னை போர்ட் டிரஸ்ட் வேலையின்போது அதன் மேலாளர் சீனிவாசன் உதவி இன்றி ராமானுஜம் கேம்பிரிட்ஜ் போயிருக்கவே முடியாது என்பதிலிருந்து, அவர் மட்டும் ஊறுகாயையும், வெத்திலை பாக்கையும் விட்டிருந்தால் முப்பத்தி இரண்டு வயதில் இறந்திருக்க வேண்டாம் என்பதுவரை பல தகவல்கள். டாக்டர் ராமானுஜனை, சீனிவாசராமானுஜ அய்யங்கார் என்றே எழுதுவது சற்று இடிக்கிறது.... ஆனால் ராமானுஜம், சிறுவயதில் நாலாயிர திவ்யபிரபந்தத்தின் நாலாயிரம் பாடலையுமே அட்சரம் பிசகாது மனப்பாடமாக சொல்ல முடிந்ததையும் அதற்கு ஈடாக நாலாயிரம் கணிதத் தேற்றங்களை உருவாக்கி மகிழ்ந்ததையும் வாசித்தால் நமக்குத் தெரியாத ராமானுஜனின் பல பக்கங்கள் பாக்கி இருப்பதைக் காணலாம்.

காகிதங்கள் தேவை. கணக்குப் போட்டு பார்க்க கத்தைகத்தையாக காகிதங்களைத் தேடி ஊர் முழுக்க ராமானுஜம் அலைந்ததை வாசிக்கும்போது மனசு வலிக்கிறது. ராமானுஜம் மட்டுமல்ல, ஆறு டெலிபோன் டைரக்டரிகளை ஒரே நேரத்தில் மனப்பாடமாக, எண் சொன்னால் பெயர் சொல்லி, பெயர் சொன்னால் எண்கூறும் பால்நியூமனும், பன்னிரண்டு வயதில் கணக்கிடும் இயந்திரத்தை வழங்கிய பாஸ்கலும், முதல் 5000 பகா எண்களை தலை கீழாகச் சொல்ல முடிந்த பிப்னாசியும் இந்த மூன்று புத்தகங்களின் வழியாகவும் நாம் அறிய முடிந்த கணக்குப் பிசாசுகளாக இருக்கிறார்கள்.

இந்தியா வந்து கணிதப்பேருரைகள் நிகழ்த்தி வருமானத்தை அப்படியே ராமானுஜத்தின் மனைவியிடம் நேரில் சந்தித்து ஒப்படைத்த பால் ஏர்டிஷ் பற்றி வாசித்து சிலிர்க்கும் அதேசமயம், முதலில் கணித முனைவர் பட்டம் வென்ற பெண் எலினா பஸ்கோபியா, முதலில் கணித விரிவுரையாளரான மரியா அக் எனசி பிரெஞ்சு புரட்சி கண்டெடுத்த கணித பெண்மேதை சோபின் செர்மயின், ஐன்ஸ்டீனின் சார்பு தத்துவத்திற்கு கணித நிரூபணம் வழங்கிய எம்மி நோத்தர் போன்ற கணித (பெண்) நிபுணர்கள் குறித்தும் நூல்கள் எழுதப்படக்கூடாதா என்று ஏக்கம் பிறக்கிறது. பால் ஹாஃப்மன், சாக்ரடீஸ் பார்டி மற்றும் ராபர்ட்கானிகல் ஆகிய மூவரும் கணித வரலாற்று நூலாசிரியர்கள் என்பதை மீறி இன்னொரு செய்தி. தற்போது அறிவியல் வரலாறு எழுத தனி படிப்பு வந்துவிட்டது. எம்.ஏ(சயின்ஸ்ரைட்டிங்) ஜான் ஹாப்கின்ஸ் பல்கலைக்கழகம், அமெரிக்கா என்று டைப்செய்து இணையத்தில் துழாவினால் பார்க்கலாம். நம்ம ஊர்போல அஞ்சல் வழி பிஎச்டி, இணையதள கல்யாணம் எல்லாம் அங்கும் உள்ளதாகவே தோன்றுகிறது.

ஒரு விஷயம் உங்கள் ஜுனியர் யாராவது வீட்டில் 1330 குறளையும் அட்சரம் பிசகாமல் நாலடியார், சிறுபஞ்ச மூலம், பதிற்றுப்பத்து, பரிபாடல் மனனம், பெருக்கல் வாய்ப்பாடு தலை கீழாகச் சொல்வது, தூக்கத்தில் கேட்டாலும் நாடு தலைநகரம் காய்கறி விலைப் பட்டியல்... சொல்வது என அசத்துகிறாரா... கட்டாயம் ஒரு கணக்குப் பிசாசோடு நீங்கள் வாழ்ந்து கொண்டிருக்க வாய்ப்பு உள்ளது. எதற்கும் பால் ஏர்டிஷ் வாழ்க்கை நூலை (தி மேன் ஹூ லவ்டு ஒன்லி நம்பர்ஸ்) வாங்கி வீட்டில் வைக்கவும்.

இரா.நடராசன்  

புதிய புத்தகம் பேசுது  

முகவரி: பாரதி புத்தகாலயம், 421, அண்ணா சாலை, சென்னை ‍- 18
தொடர்பு எண்: 044-24332424, ஆண்டு சந்தா: ரூ.120 

இளம் பருவத்தில் விஞ்ஞானிகள் எட்வர்ட் ஜென்னர்

இரண்டரை நூற்றாண்டுகளுக்கு முன்பு நடந்தது இது. இங்கிலாந்தில் பெர்க்லி என்றொரு நகரம் இருக்கிறது. அங்கு ஒரு பள்ளி விடுதியில் சில நாட்களாக மிகவும் துர்நாற்றம் வீசியது. எங்கிருந்து இந்த நாற்றம் வருகிறது என்று கண்டுபிடிப்பதற்காக வார்டன் தன் உதவியாளர்களுடன், ஒவ்வொரு அறையாகச் சென்று சோதனை நடத்தினார்.

பல அறைகளை நன்றாக ஆராய்ந்த பின்பும் அவரால் நாற்றத்திற்கான காரணத்தைக் கண்டுபிடிக்க முடியவில்லை. கடைசியில் எட்வர்ட் என்னும் மாணவனின் அறையை அடைந்தனர்.

""ஓ!... இந்த அறையிலிருந்துதான் கெட்ட நாற்றம் வீசுகிறது!'' என்று சொல்லிக்கொண்டே வார்டன் அங்கிருந்த கட்டிலிலிருந்து படுக்கையை விலக்கினார். அப்போது அவர் அந்தப் படுக்கைக்குக் கீழே கண்டது என்ன தெரியுமா?

பலவிதமான முட்டைகள், வைக்கோல், இறந்த தவளையின் உடல், எலும்புத் துண்டுகள்...இப்படிப் பல பொருட்கள் அங்கு இருந்தன. அவற்றில் பல பொருட்கள் அழுகிநாறின.

வார்டன் மிகவும் கோபம் கொண்டார். அந்த அறையில் தங்கியிருந்த மாணவன் எட்வர்ட் பயந்து நடுங்கி நின்றான்.

   ""என்னடா இதெல்லாம்?'' வார்டன் அதட்டினார்.

தயங்கித் தயங்கி எட்வர்ட் சொன்னான்: ""இயற்கைக் கண்காட்சி ஒன்றை உருவாக்குவதற்கான பொருட்கள் சார்... வார்டன் தன் பணியாளரிடம், ""இதையெல்லாம் அள்ளி உடனே வெளியே போடு!'' என்று உத்தரவிட்டார்.

   

அப்போதுதான் தலைமை ஆசிரியர் அங்கே வந்தார்.

அவர் எட்வர்டின் அருகே சென்று அன்புடன் அவன் முதுகில் தட்டிக்கொடுத்தார். பிறகு வார்டனிடம் சொன்னார்:

 ""இப்பொருட்களையெல்லாம் வெளியே போட்டுவிடாதீர்கள். இதுபோன்ற இன்னும் பல பொருட்களை எட்வர்ட் சேகரிக்கட்டும். அதையெல்லாம் வைத்து நாம் பள்ளியில் இயற்கை அறிவியல் தொடர்பான கண்காட்சி நடத்தலாம்!'

 தலைமை ஆசிரியரின் வார்த்தைகளைக் கேட்டபோது நிம்மதியும் மகிழ்ச்சியும் அடைந்தான் எட்வர்ட். சில தினங்களுக்குள் அவன் இன்னும் நிறையப் பொருட்களைச் சேகரித்து பள்ளியில் ஒரு பெரிய கண்காட்சி நடத்தினான்.

குழந்தைப் பருவத்தில் இயற்கையை ஆராய்வதில் பெரிதும் ஆர்வம் காட்டிய அந்த மாணவன் பிற்காலத்தில் பெரிய விஞ்ஞானியாக மாறினான். அது யார் தெரியுமா? விஞ்ஞானி எட்வர்ட் ஜென்னர்.

எட்வர்ட் ஜென்னர் 1749 - ஆம் ஆண்டு, மே 17 - ஆம் நாள் இங்கிலாந்தில் உள்ள பெர்க்லியில் பிறந்தார். கல்வி கற்று மருத்துவரானார். பெரியம்மை நோய்க்கு மருந்து (வாக்ஸின்) கண்டுபிடித்து புகழ் பெற்றார். 1823 - ஆம் ஆண்டு, ஜனவரி 26 - ஆம் நாள் மறைந்தார்.